Transcription
1
Monsieur, jay veu votre lettre que m’avés escripte et par icelle
2
ay veu toutes les nouvelles quil vous a pleu me
3
mander et daultant que le porteur cest trouvé à propoz
4
je nay voullu laysser perdre ceste comodité pour vous
5
faire entendre de celles qui ocurrent par dessa qui sont
6
que larmée est encor à Messine il y en a qui
7
tyennent quelle faict demeure par de la pour lentreprinze
8d’Algyer les aultres quelle vient à Leispece [barré :metre
9
des hommes] faire descente dhommes pour les envoyer
10
en Flandres. Voyla tout ce que je vous puys escripre
11
pour le faict de larmée ; qui me fera changer de propos
12
pour vous remercyer bien humblement et aussi Madame de
13
Gordes de lhonneur, lequel ordynayrement il vous plaist
14
faire à ma feille, priant Dieu quil me face la grace davoyr
15
moyen de men revencher et à elle quelle face quelque
16
bon service qui vous soyt agreable, daussy bon coeur
17
que je vous prye de regarder et choyzir tous
18
les endroictz enquoy me jugerés estre propre
19
pour votre service avecque asseurance que y serés obéy
20
daussi bon cœur comme je sallue voz bonnes
21
graces de mes plus humbles recommandacions et
22
de Madame de Gordes et prye Dieu
23
Monsieur quil vous ayt en sa saincte, digne
24
grace. De Marseille, ce vinghuitiesme de
25
jeuillet 1572
26
Votre entièrement plus afectionné à vous
27
faire service
28
Pierrebon